AMAKURU

Uyu munsi habaye inama ihuza ababyeyi bari muri gahunda ya TUMURERE, igamije kungurana ibitekerezo ku iterambere ry’imiryango n’imibereho myiza y’abana.
Iyi nama yibanze ku gusobanura uruhare rw’ababyeyi mu kurera abana neza, gukurikirana imyigire yabo, no kubagira inama ku bijyanye n’ubuzima, imyitwarire myiza ndetse no kwirinda ibibazo bibangamira iterambere ry’abana n’imiryango.
Ababyeyi bagaragaje ishyaka n’ubwitabire bwiza, bagira n’umwanya wo kubaza ibibazo, gutanga ibitekerezo no gusangira ubunararibonye ku byabafasha kuzamura imibereho yabo n’iy’abana.
Abayobozi n’abakozi ba gahunda ya TUMURERE bashimiye ababyeyi ku kwitabira neza inama, babizeza ko izi nama zizakomeza gutanga umusanzu ukomeye mu kubaka imiryango ikomeye kandi itekanye.
Iyi nama yasojwe ababyeyi basabwa gushyira mu bikorwa inama bahawe, bakomeza gufatanya n’inzego z’ibanze mu guteza imbere umuryango Nyarwanda.