AMAKURU YIKIMINA KORANA BUHANGA

ABNETWORK YATANGIJE GAHUNDA YO KWIGISHA ABATURARWANDA IKIMINA “KORANA UBUHANGA”Kigali, Kicukiro – Gahanga

Mu rwego rwo guteza imbere umuco wo kwizigamira no gukoresha ubuhanga mu micungire y’amafaranga, habaye inama igamije kwigisha Abaturarwanda imikorere myiza y’ikimina “KORANA UBUHANGA.” Iyi nama yateguwe ku bufatanye na ABNETWORK, ikigo nyarwanda kigamije guteza imbere ubushobozi bw’abaturage mu bijyanye n’imari, ubumenyi n’imishinga iciriritse.

Inama yabereye mu Karere ka Kicukiro, Umurenge wa Gahanga, yitabirwa n’abaturage batandukanye barenga 100 baturutse mu matsinda n’ibimina bikorera mu Mujyi wa Kigali no mu nkengero zawo.

Mu butumwa bwe, Umuyobozi wa ABNETWORK, Safari Celestin, yashimangiye ko igihe kigeze ngo ibimina bikore mu buryo bugezweho, bushingiye ku bumenyi, ubunyamwuga n’ikoranabuhanga.

Yagize ati:

“Ikimina si ukwitana amafaranga gusa, ni urubuga rwo kubaka ubushobozi, kwigira no gutegura ejo hazaza heza h’abanyamuryango. Korana ubuhanga ni yo nzira yo kugera ku iterambere rirambye.”

Ingingo z’ingenzi zagarutsweho zirimo:

• Uburyo bwo gushinga no gucunga ikimina mu mucyo no mu bwizerane

• Gushyiraho amategeko n’imiyoborere inoze

• Gukoresha uburyo bugezweho mu kubika no gucunga amakuru

• Guhindura ibimina umuyoboro wo gutangiza no guteza imbere imishinga

Abitabiriye bagaragaje ko amasomo bahawe azabafasha kunoza imikorere y’ibimina byabo no kongera umusaruro. Benshi bashimye ABNETWORK ku gitekerezo cyo kubegereza ubumenyi bubafasha gutera imbere.

ABNETWORK ikomeje gahunda yo kwegera abaturage mu turere dutandukanye tw’Igihugu, hagamijwe kubaka amatsinda akomeye, acunzwe neza kandi ashobora guhindura imibereho y’abanyamuryango bayo.

Ku bindi bisobanuro:
ABNETWORK
Kigali, Kicukiro, Gahanga
Tel: 0791223004
Email: abnetwork45@gmail.com